إيه بدوية ريحتي بُن وبهـــار = هذا شرف ماهو بحقي خطية

أنا بدوية بنت حرٍ من أحرار = فزعات ربعي بالشدايد قوية

أناهلي يابنت وافين الأشبار = كأنك جهلتي من أنا ياغبية

ياجاهلة ماتغتذي الشمس الأنوار = حنا كما شمسٍ على الأرض ضيه

حنٌا هل الطولات هيبة ومقدار = حناٌ مثـــــــــال للشرف والحمية

حنٌا الطنايا للكرم رمز وشعار = حنٌا خويٍ مايخلي خــــــــــــويه

الذيب يوم إنه عوى وسط الأسعار = عشوه ربعي من سنينٍ مديه

يوم إن جدك وثـّـق القفل بالدار = بيت الشَعر مفتوح صبح وعشية

للضيف ريف للمعادين جبار = نرد العـــــــــياض ولانهاب المنية

يابنت لو بكتب من أشعار وأشعار = تعجز معاني حروفي الأبجدية

اللعب خلي اللعب لعيال شطار = لاتدخـــــلين السيل وانتي نديـــة

نقلتهالكم لشدة إعجابي بها

أنتظر تعليقاتكم ياحلوات,,