أهلا بكِ عزيزتي الزائرهـ أو العضوهـ..تذكري:{مايلفظ من قول إلا لديه رقيب عتيد}
 
البوابةالرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 مذكراتي في رحلة كويتية مميزة < كاتب سعودي و موضوع حلو يستحق الإطلاع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
**خلووووود**
مسؤولة الرتب و الإشراف و المجموعات
مسؤولة الرتب و الإشراف و المجموعات


انثى
عدد الرسائل : 1022
العمر : 24
البلد.. : أحلامي,,
الحياة المهنية.. : مدرسية,,
حالتي النفسية :
النقاط.. : 80
رسآلهـ.. : لساعني ماكتبت رسآلتي و لا فكرت إيش أكتب..
اذكري اللهـ.. :
تعليق من الإدارة: : الإدارة لم تعلق على هذا الملف بعد
تاريخ التسجيل : 29/10/2007

مُساهمةموضوع: مذكراتي في رحلة كويتية مميزة < كاتب سعودي و موضوع حلو يستحق الإطلاع   الإثنين ديسمبر 15, 2008 2:47 am

مذكراتي في رحلة كويتية مميزة
<كتبه كاتب سعودي نك نيمه سبهللي

و موضوع حلو يستحق الإطلاع

يالله نبدي بسم الله

__________________________________________________ ____








منذ مده طويله وأنا أفكر انا والمدام في زيارة دولة الكويت والهدف من هذه الزياره الحقيقه اولا عندنا شوق اننا نشوف دوله خليجيه نسمع عنها بس ما زرناها قبل, والسبب الثاني والمهم بالنسبه لي أنا الأطلاع على محلات الأزياء والملابس النسائيه في الكويت وخصوصا بعض المحلات المتخصصه في الأسبورات - صنع الكويت - وذلك بحكم ان عندي محل ملابس حريم... بصراحه كنت أشوف العوائل الكويتيه برى يكشخون ويتميزون بأناقه واضحه >>> بتطلعلي واحده تغار وبتقول أمحق اناقه وبقولها أها انثبري لين اكمل سالفتي ...المهم بعد ما نشدت وش السالفه عرفت ان هناك عدد من المحلات ( تقلد الماركات وتصنع في الكويت بموديلات إيطاليه واقمشه طبعا صيني وكوري !!!)المهم طلعنا الكويت عن طريق الخطوط السعوديه - من زود الوطنيه -بس للأسف ريحة هذيك الطياره تعجعج كاري على زنجبيل على شوية ثوم.....حيث كانت الرحله مليانه (( شغالات )) طالعين
من الرياض ترانزيت على سرلنكا لأنه كان آخر اسبوع امتحانات في السعوديه وبداية إجازه في الكويت..وصلنا مطار الكويت وكان المطارعادي جدا بس مهوب شين...









بس تفاجأت أنا وزوجتي بمعامله مميزه جدا من موظفي المطار !! حتى اني كنت أستغرب !!! التفت على حرمتي وسألتها : لا يكون انا أشبه أحد مشهور عندهم ؟؟ قالت إيه تصدق توي انتبه فيك من جواد العلي ...قلت إيه يا حليمه بولند (قلتها في نفسي طبعا ) ....المهم ان الجماعه في الجوازات والجمارك قمة الأخلاق في التعامل ... خصوصا من ضابط الجوازات الي شافنا واقفين بسرى (( خطأ مهوب حق الخليجيين )) وجانا بكل أدب وابتسامه عريضه وطلب منا أننا نجي عند شباك فاضي وفعلا رحت وختمت وألتفت عليه أشكره وكان رده علي ماراح انساه أبد (( يوبا إحنا ما نعتبركم الا أهلنا ونخدمكم بعيونا !!!))
فقلت في نفسي (( هذا أول الخير ويبشر بخير))..

بعده توجهت إلى فندق كنت قد حجزت فيه وهو فندق مارينا و يقابله سوق مارينا من الجهه الأخرى
ويربط الجهتين جسر خاص بالمشاه ويقع على البحر في منطقة السالميه





وهذا الرابط لموقع الفندق




منطقة السالميه ( منطقه تجاريه وحيويه في الكويت .وعند وصولي للفندق أخبرني موضف الأستقبال بأن السعر تم تخفيضه إلى75دينار بعد ان كنت قد حجزت بالفيزا بسعر 88دينار ( سعر صرف الدينار حوالي 13.25 ريال) وذكر لي ان هذه أسعار الصيف الجديده المخفضه ... فشكرته وقلت في نفسي (( هذه الثانيه ))فندق مارينا في الكويت الله يسلمكم من الفنادق الحديثه , ويتميز الفندق الذي يتكون من طابقين أو ثلاثه فقط ... يتميز بالخدمه بصراحه خدمات الفندق وهو بالمناسبه ليس فخم لكنه مريح وموقعه ممتاز للسائح وموضفيه عسل وله إطلاله جميله على خليجنا الغالي ..









بمناسبه الراحه قالت لي زوجتي قبل نوصل الفندق :- ماتلاحظ ان الكويت مريحه للنفس ؟؟؟فقلت لها على طول (( فعلا كان عندي هذا الشعور لكني ماعرفت أعبر عنه !!!))عموما لكي أكون أكثر شفافيه وصدق (( هناك خلفيه سلبيه في ذهني عن أهل الكويت بسبب بعض المواقف الرياضيه القديمه وبسبب بعض وسائل الأعلام والمنتديات ... ولكي أكون أكثر جرأه كنت احس ان معظم الكويتيين بهم غرور وعجرفه _ وأعتذر عن هذا التعبير - ))لكن ما لبثت هذه الصوره ان تلاشت من أول خطوه خطوتها في أرض الكويت..كانت الساعه حوالي التاسعه مساءا عندما قررنا ان نخرج لنرى الكويت وأن لا نضيع أي دقيقه بسبب ان مدة بقاءنا فقط يومين بسبب إرتباطي بعدها بسفره خارجيه .. نزلنا للبهو وسألت موظف الأستقبال عن أفضل وسيله للتنقل وماهي الأماكن التي تستحق الزياره ...مع التركيز طبعا على الأسوااااااااق لقصر المده ولطبيعية الجو في هذه الفتره ... فأعطاني مجله
( أضن انها خاصه بالفنادق) وفيها دعايات للمحلات المشهوره في الكويت والأسواق والمطاعم و ...
كما دلني على طريقه جيده للتكاسي (( أفضل من عندنا )) وهي تاكسي بالطلب ..يعني قبل تنزل تدق عليه 5 دقايق وهو قبال الفندق أو السوق او المطعم أو اي مكان انت موجود فيه (( على فكره الكويت تتميز بسهولة التنقل بين المناطق.. وأعتبرها انا من أقل العواصم الخليجيه إزدحام )) والسبب كما ذكر لي فيما بعد أن رخصةالقياده والسماح بالسياقه في الكويت ليست متاحه لكل من هب ودب زي ربعنا يعني ما تلقى في الكويت سباك معه مازدا موديل 76وشايل سلالم وعده فوق سيارته ويزاحم خلق الله في الشارع !!! ومستحيل تشوف وانيت مكسر يسوقه واحد كان بديرتهم ما يعرف شكل السياره !!! ويملى الوانيت عمال ويالله انه يشوف طريقه!!واسهل شيء عنده انه يصدم سيارتك لأن عنده تأمين !!





طبعا هذي ماتشوفها بالكويت ...بصراحه شعب مميز جدا في القياده لدرجه إنك قليل تشوف حوادث مروريه أو قطع إشاره أو تجاوز بسرعات عاليه من اليمين أو أو ......لا بكل أمانه هذي نادرتشوفها بالكويت وإن صارت فهي لشباب مراهقين وفي نطاق ضيق ... عشان كذا اقول بعذر الحريم عندهم يسوقون ...بلا والله ما فيه مطفق وعرابجه على الدايري عندهم مثل هالي مالين شوارعنا !!


بعد في تكمله راح اكمله نطروني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
**خلووووود**
مسؤولة الرتب و الإشراف و المجموعات
مسؤولة الرتب و الإشراف و المجموعات


انثى
عدد الرسائل : 1022
العمر : 24
البلد.. : أحلامي,,
الحياة المهنية.. : مدرسية,,
حالتي النفسية :
النقاط.. : 80
رسآلهـ.. : لساعني ماكتبت رسآلتي و لا فكرت إيش أكتب..
اذكري اللهـ.. :
تعليق من الإدارة: : الإدارة لم تعلق على هذا الملف بعد
تاريخ التسجيل : 29/10/2007

مُساهمةموضوع: رد: مذكراتي في رحلة كويتية مميزة < كاتب سعودي و موضوع حلو يستحق الإطلاع   الإثنين ديسمبر 15, 2008 2:47 am

وهذى التكمله.......
___________________________

المهم نرجع لموضوعنا طلعنا من الفندق في التاسعه والربع مساءا تقريبا وتوجهنا إلى مركز كبير للتسوق قال لنا سائق التكسي
بأنه أشهر سوق بالكويت وهو (( سوق شرق))















(( سوق شرق)) ويبدو أن إسمه مأخوذ من المنطقه التي يقع فيها السوق ولم يستغرق المشوار أكثر من 7دقائق حتى كنا عند بوابة السوق الذي يتكون من طابقين وبه عدد كبير من المطاعم ومحلات التسويق المختلفه وهايبر ماركت وبه أيضا صاله للسينما ...وقد أخبرنا سائق التكسي أن المحلات التجاريه تغلق عن العاشره مساءا !!! يعني يقصد إذا تبون تتعشون خلوا الأكل بعدين .. وفعلا
توجهنا إلى المحلات المهمه وهي (محلات الملابس) والماركات الوطنيه للملابس النسائيه
وكان لي موقف ظريف في السوقدخلنا سوق شرق وتوجهنا إلى المحلات الخاصه بالألبسه وكنت أركز على أسماء المحلات الي
ماهي موجوده عندنا وفعلا حصلت محلين أو ثلاثه ..وفي أحد هذه المحلات وإحنا قاعدين نتفرج
على البلايز والفساتين ...دخل صاحب المحل- ابوعماد - ( تاجر ملابس سوري ) سبق ان تعرفت
عليه في تركيا عن طريق مكتب الشحن في اسطنبول وقد تقابلت معه عدة مرات وكنت أعرف انه
عنده عدد من المحلات في الكويت والأمارات .....
المهم الرجال عرفني وسلم علي وبدأ يسولف... وينكت ويسألني عن سوقنا في السعوديه وش اخبار
البيع والمشترى ووش الي ماشي عندنا والموضه ....الخ وكانت المدام في جهه أخرى من المحل ..
بس تعرفون طبع الحريم (( مسويه نفسه تتفرج على البضايع وهي موجهه اللاقط جهتنا..وتتسمع ))المهم الأخ أخذ راحته في السوالف وسألني :- هادي ياللي معك مرتك الأولى وإلا التانيه( يعني على باله ينكت !!!)
وطبعا المره أول ما سمعت هالجمله جات منطلقه بسرعه 180..وقالت وش يقول هالشايب !!! قلت يابنت الحلال قسم بالله يمزح ... يمزح !!والأخ ولا على باله ( قاعد يضحك) !!!
التفتت علي زوجتي وقالت : والله ما أدري عنك أنت وسفراتك.. لكن من اليوم ورايح رجلي على رجلك .
وجا ابو عماد يقال لك بيلطف الجو وعزمنا على العشا !!! قلت (في نفسي) إيه هين ...يكون خير !!! ماعاد عقب كلامك يا ابو عماد عشا ولا غدا ..أعتذرت منه وطلعنا ..
( نرجع للموضوع شكلي أبعدت شوي))
المهم بعد ما خلصنا جولة التسوق وما شريناشيء بس نتفرج وكانت خيره(( لأننا ثاني يوم إكتشفنا أن سوق شرق لاشيء في الملابس بعدما زرنا سوق آخر))
توجهنا الى جهة المطاعم وكان هناك فرع لمطعم شيلز العالمي بس للأسف دورنا طاوله للجلوس وما حصلنا من الزحمه (( قلت لكم كانت بداية العطله الدراسيه في الكويت )) ويوم لفينا لفتين وما لقينا مكان أقترحت علي المدام اننا نروح السينما ونخلي العشاء بعد الفيلم ...بس أنا بصراحه ترددت ...
وقلت أشوف نوعية الحظور أول ونوعية الأفلام (لأن الساعه كانت متأخره)وبصراحه ما ودي أشوف نفس المنظر الي شفته بأحد المجمعات التجاريه في البحرين-مجمع السيف-قبل سنتين بسبب ذهابنا للسينما في مثل هالوقت بس أول ما دخلت البهو حق السينما ...تفاجأت ان معظم الحظور عائلات كويتيه وشباب أيضا لكن محترمين انفسهم ومحترمين الي حواليهم ..وبصراحه لاحظت ثلاث ملاحظات لفتو
انتباهي من اليوم الأول في سوق الشرق:-
1- الكويتيين يشكلون غالبيه وليس مثل بعض دول الخليج ( تدخل السوق وتطلع منه ما تشوف المواطن ).
2- شباب الكويت ( رغم كثرة وجود الي لبسهم وقصات شعرهم ما تتناسب مع مجتمعنا الخليج )لكن كلمة
الحق أنهم محترمين الي حولهم من الناس وكل واحد في حاله وربعه الي معه.. يعني بالعربي ما منهم أذى .
3- كثافة التواجد الأمني في السوق ( بلباس مدني ) وقد لا حظت ذلك وعرفت أنهم أمن من بطاقاتهم الي
يعلقونها على الثوب والجهاز الي معه .

المهم ما أطول عليكم فعلا أخترنا أحد الأفلام الأجنبيه ودخلنا نتفرج على الفيلم وما طلعنا الى متأخرين ( حوالي الساعه وحده بعد منتصف الليل ) وقد كنت قد أتصلت على التكسي قبل خروجنا بحوالي 10 دقائق وفعلا لمن خرجنا وجدنا السياره في انتظارنا ...ركبنا السياره
وطلبنا من السائق يمر على الطريق بمطعم ناخذ منه عشى ( تيك واي ) لأننا ميتين من الجوع !!فأقترح علينا سائق التاكسي ان يذهب بنا الى منطقة المطاعم في السالميه وذكر لنا ان هناك المطاعم كلها فاتحه هالوقت والأكل أشكال وأنواع ...وبدأ يتكلم عن المشاوي والشاورما و.... و .... فقاطعته وقلت له ترى إن ما سكت باكلك من لجوع الي فيني ... يا خوي خلاص سألتك عن مكان المطاعم بس يقولون الأولين ( الجوع يخرب الطبوع ) !!
وفي الطريق لمطاعم السالميه ويوم صلنا عند سوق المارينا الي قبال فندقنا واشوف لك مجموعه من المطاعم على اليمين قبل السوق .....قلت له بس يا الأخو ...بس وقف هنا ...
قال لسى ما وصلنا وبعدين ميصلح ادخل من هنا!!!! قلت ليش .. قال هذا الشارع خروج بس لازم اروح له من خلف السوق ... عشان ما آخذ مخالفه ...قلت طيب ودنا له وفعلا لف من خلف السوق ووقفنا عند مطعم ومقهى .... نسيت اسمه وكانت قعداته بصراحه روووووعه وحاطين بخاخات مويه زي الي في مقهى الشلال عندنا ... وكان الجو فعلا حلو
برغم ما سمعته عن جو الكويت في الصيف ) بس فعلا كان الجو ذاك اليوم رااائع راااائع ومريح والهواء لطيف ونسمات الخليج العربي الحالم لا تزال في ذاكرتي ...طلبت من سائق التكسي ان يذهب لأننا نوينا ناخذها مشي للفندق عقب ما نتعشى( يميز الكويت الأمان
المطلق الي تحس فيه وكأنك في حارةبيتكم وبين أهلك يعني الساعه وحده بالليل زي 9 الناس سهرانه
والعوايل حريم ورجال يتمشون والحياة طبيعيه) وفعلا دخلنا المقهى(المطعم ) وطلبنا الأكل ( كان المكان
أطيب من الأكل بس غنه مقبول برغم اني كنت اتمنى يهتمون بالمطعم اكثر من المقهى )
...وبعد ما تعشينا ... أقنعني المصري الي كان يخدم اني آخذ راس معسل !!
((مخصوص على قولته)) وذكر لي انه تم منع الشيشه في هالأماكن والبلديه
قاعدة تشدد على هالموضوع ...بس إحنا بالدس ... ومحسوبك سيد بيزبطوه على كيف كيفك الرجال قعد يهك علي من هالكلام عشان يغريني وفعلا أخيرا وافقت اني اشيش
رغم أني غير مدخن ولا معسل ) بس الجو كان يشجع على الدشره !!!جلسنا إلى مابعد الثانيه فجرا ثم توجهنا الى الفندق مشيا على الأقدام حيث كان الجو جيد ذلك اليوم
ويساعد على المشي ..وكانت هاك الليله من الليالي التي لا تنسى ...












وقفت على يوم نطلع في الليل راجعين للفندق(مارينا)طلعنا من المطعم وفي طريقنا للفندق تفاجأت بمجموعه كبيره من من المطاعم والجلسات والمقاهي على الجانب الآخر من سوق المارينا وعند مرسى القوارب وكان المكان لايزال به حركه وقعدات وناس رايحه وجايه رغم ان الساعه كانت بعد الثالثه فجرا !!!فالتفتت الي زوجتي وقالت هالمكان بكره ماراح نفوت الجلسه فيه بس خلنا نخطط في اي مطعم رايحين نتعشى بصراحه انا ضحكت عليها وقلت نعنبو بليسك تونا دابغين وشبعانين وقاعدين الحين نمشي عشان نهضم الأكل وانتي تخططين على العشى بكره !!!وإحنا قاعدين نمشي في الممر لاحظنا لوحة (( كرسبي دونات))!!دونات كرسبي !!! طالعتني مرتي وقعدت تضحك ..والسبب انها تعرف اني أحب هالنوع طبعا روحتنا قبل يفتح اول فرع لكرسبي دونات في الرياض ...والظاهر انهم يوم دروا عني وعن قصتي قال ...والله ما نفشلك يا سبهللي وبوا يفتحون فروعهم الآن بالمملكه )بصراحه انا كنت كل ما دخلت محل دونات عندنا أقول لهم ليش ما تفتحون فرع لكرسبي دونات زي الي بلندن !!






وتفاجأت بوجود فرع لهم بالكويت !! ( طبعا يوم جيت إمشي للرياض حملت معي كراتين كرسبي والناس بالمطار قاعدين يطالعوني ويقولون هذا وين رايح !! وش هالقروي !!ما قد شاف خير !!وطبعا مرتي رفضت تشيل معي تقول والله فشيله !! بس وش أسوي أحبها -قصدي الكرسبي- !!!) * للمعلوميه عقابا لها على موقفها وزعت كل الكميه على اخواني وخواتي وخليت لي شويه وحرمتها من متعة التلذذ بمزمزة الدونات مع فنجال القهوه .نعود لموضوعنا - ياكثر شطحاتي)دخلنا الفندق وصلينا الفجر ونمنا على أمل اننا نقوم بجولة اليوم الكامل إبتداءا من الساعه 12.55ظهرا


بعد ما خلص الموضوع فيه تكمله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
**خلووووود**
مسؤولة الرتب و الإشراف و المجموعات
مسؤولة الرتب و الإشراف و المجموعات


انثى
عدد الرسائل : 1022
العمر : 24
البلد.. : أحلامي,,
الحياة المهنية.. : مدرسية,,
حالتي النفسية :
النقاط.. : 80
رسآلهـ.. : لساعني ماكتبت رسآلتي و لا فكرت إيش أكتب..
اذكري اللهـ.. :
تعليق من الإدارة: : الإدارة لم تعلق على هذا الملف بعد
تاريخ التسجيل : 29/10/2007

مُساهمةموضوع: رد: مذكراتي في رحلة كويتية مميزة < كاتب سعودي و موضوع حلو يستحق الإطلاع   الإثنين ديسمبر 15, 2008 2:49 am

_____________________________________________

دخلنا الفندق وصلينا الفجر ونمنا على أمل اننا نقوم بجولة اليوم الكامل إبتداءا من الساعه 12.55ظهرا وفعلا اول ما قمنا وغسلنا وجيهنا وصلينا الظهر طلعنا علىطول الى سوق مارينا مول ودخلناه حوالي الساعه 1 الظهر وتوجهنا الى مقهى ستار بكس وخذنا لنا فنجالين قهوه مع كعكه تقاسمناها بالنص ( فكة ريق يعني)..

[url=http://up.graaam.com/p16ic/ab05fc7cce.jpg][/url]

هذا المارينا اللي فيه محلات موعلى البحر بس متصل بجسر على المارينا اللي على البحر اللي يكون بس متخصص بالمطاعم والقهاوي (اللي شفتوهم بالصور اللي قبل)

[url=http://up.graaam.com/p16ic/c49e660061.jpg][/url]

وهذ الجسر اللي يتصل بين المبنين

[url=http://up.graaam.com/p16ic/c49e660061.jpg][/url]


[url=http://up.graaam.com/p16ic/8903eb8019.jpg][/url]

وبعد ماتقهوينا وريحنا حوالي ساعه , بدينا نلف في المجمع وهو يتكون من طابقين كمراكز ومحلات تجاريه بالأضافه الى طابق مطاعم وقعدات ويوجد بالسوق أيضا صالة سينما
عموما بدأنا بلف السوق محل محل وممر ممر وكان التركيز زي ما قلت قبل على الهدوم وفعلا حصلنا كذا محل يبيعون الي نبي بس برضه (ماشرينا شيء)وبعد الدوران في السوق حجزنا على فيلم عربي يبدأ حوالي الساعه 11 ونص ويخلص قبل وحده بالليل..
ثم بعد ذلك توجهنا للممر الي يودي للجهه المقابله (المطاعم والمقاهي ) بس في الممر حصلنا معرض لوحات عن التراث الكويتي والبيوت القديمه والسفن الشراعيه و طبعا انا حطيت يدي على محفظتي لأني أعرف مرتي ممكن تسوي حركه خطافيه وتسحب المحفظه لا إراديا بسبب حبها الشديد للوحات والتحف ( أنا ما أدري وش سر تعلق الحريم بها باللوحات والتحف والمفارش )المهم قالت لي وقف شوي خلنا نتفرج على اللوحات!! قلت اوكي تفرجي براحتك وأنا باشوف المطاعم اللي هنا وبرجع لك ....

[url=http://up.graaam.com/p16ic/0218860185.jpg][/url]


[url=http://up.graaam.com/p16ic/c57f1e53fc.jpg][/url]


[url=http://up.graaam.com/p16ic/8af8d5307e.jpg][/url]

المهم رحت ادور على مطعم واشوف انواع المأكولات الموجوده ووالله يا جماعة الخير ما كملت 10
دقايق وجيت راجع لمرتي ولا هي مقابلتني تضحك !!! طبعا انا ناظرت يديها فاضيه - بصراحه استانست-قلت انا : ما شاء الله غريبه ما شريتي ...ما شاء الله وش هالعقل والثقل الي نزل عليك غريبه ما شريتي ؟؟... وما امداني أكمل ...قالت:- لا أبشرك شريت .... وش شريتي ما اشوف معك شي !!قالت : شريت لوحه عن البحر والغوص واللولو !!!! قلت وحنا وش دخلنا في الغوص ؟؟ حنا نعرف في نجد النخل والتمر والبر والرمال الحمر.... مالنا علاقه بالغوص والبحر !!قلت لها طيب وين اللوحه ؟؟؟ قالت عطيتهم عربون50 دينار وبيرسلون لي اللوحه بعد العصر على الفندق!! وانت عاد الله يعافيك بعدين حاسبهم !!
قلت يابنت الناس 50 دينار عربون !! أجل بكم اللوحه !!! قلت الظاهر إنتي تحسبين الدينار بريال ماتدرين ان 50 دينار يعني 650ريال !!! قالت لا عارفه بس انت لا تستعجل الين تشوف اللوحه انا مخليتها لك مفاجأه !!قلت (في نفسي طبعا ) أمحق مفاجأه ..

المهم رحنا لمطعم هندي تحت بالدور الرضي من جهة المطاعم أضن اسم المطعم شايه او شاله ...والله نسيت بس في اسمه شين
(هههههههههه اسمه اشاز تلقونه بالدور الاول هذي مداخله مني للمساعده بس صادف انا اموت على اكلهم و اذا عندنا مناسبه نحتفل هناك جد راقي )

[url=http://up.graaam.com/p16ic/97e41d5be5.jpg][/url]


[url=http://up.graaam.com/p16ic/97e41d5be5.jpg][/url]


وهذا الرابط فيه عن مطاعم مارينا كرسنت شوفوه

وها بس ...الصراحه أكلهم مسكت وفعلا تحس انك تاكل في مطعم هندي صحيح يعني طعم الأكل والبهارات والفلفل والتندوري وخبز النان حقهم والا البرياني السمك حقهم صراحه وبدون منازع (( أفضل مطعم هندي كلت فيه بحياتي كلها )) رغم اني من محبي زيارة المطاعم الهنديه في اي دوله اروح لها,لكن هالمطعم شي ثاني .خلصنا غدانا حوالي الساعه 4 وتوجهنا للفندق لأخذ غرض وإستلام اللوحه حقت( فان جوخ ) ...ويوم وصلنا الفندق وجدنا طاولة الكوي والمكوى الي طلبناها قبل نطلع و لقينا إدارة الفندق حاطين لنا هديه سلة فوكه على كيف كيفكم...قالت لي مرتي يا حليلهم شف وش حاطين الظاهر يحسبونا معاريس !!قلت لا والله الا ناس تفهم السنع مهوب مثل فنادق مصر ندفع لهم على الغرفه 170 دولار وإذا طلبنا خدمه من حقنا قعدو يزربونا تقل يتصدقون علينا !!! ( ترى مثل مثل هالحركات البسيطه الي ماتكلف الفندق أكثر من 10 ريال لها وقع جميل في النفس تجعل النزيل يحس بمقدار احترام وتقدير ادارة الفندق له )

__________________________________________________ ______________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
**خلووووود**
مسؤولة الرتب و الإشراف و المجموعات
مسؤولة الرتب و الإشراف و المجموعات


انثى
عدد الرسائل : 1022
العمر : 24
البلد.. : أحلامي,,
الحياة المهنية.. : مدرسية,,
حالتي النفسية :
النقاط.. : 80
رسآلهـ.. : لساعني ماكتبت رسآلتي و لا فكرت إيش أكتب..
اذكري اللهـ.. :
تعليق من الإدارة: : الإدارة لم تعلق على هذا الملف بعد
تاريخ التسجيل : 29/10/2007

مُساهمةموضوع: رد: مذكراتي في رحلة كويتية مميزة < كاتب سعودي و موضوع حلو يستحق الإطلاع   الإثنين ديسمبر 15, 2008 2:50 am

نرجع مره ثانيه لجولتنا المسائيه وقبل لا اتكلم عن الجوله المسائيه رايح اعلق في بعض النقاط على منطقة المارينا ( السوق والمطاعم وحتى الفندق ) وهي بصراحه للي مازار الكويت ممتعه جدا رغم صغر المساحه المخصصه..بس تتميزهالمنطقه بإنها منطقة حركه ووناسه وعالم رايحه وجايه وقعدات وقهاوي والبحر قبالك والناس مالهم دعوى فيك وكلن يبتسم لك (يمكن لاني فاتح كشرتي وأبتسم لكل الي يقابلني ) والصراحه انا عجبتني هالمنطقه وخصوصا الجلسات الخارجيه والمرسى وحتى السوق والسينما ... وأيضا يميز هالمنطقه قربها من شارع السالميه (( أعتقد إذا ما خانتني الذاكره اسمه شارع مبارك )) وهو خلف سوق المارينا وفيه مطعم شكله حلو وشعبي اسمه فريج صويلح على اسم التمثيليه الكويتيه الشعبيه (( بصراحه ما دخلته بس ناوي في الزياره الثانيه للكويت أدخله))

[url=http://up.graaam.com/p16ic/199d31147d.jpg][/url]


[url=http://up.graaam.com/p16ic/658d540d1a.jpg][/url]

(على اليمين اتلاقون المطاعم والقهاوي وبعض المحلات وعلى اليسار تلاقون مبنىي اسمه مجمع الفنار راح تشوفونه بعدين )

وشارع السالميه هذا شارع طويل كله محلات تجاريه مختلفه (( يشبه شارع الثميري عندنا في الرياض))بس انه اطول واكثر تنوع..والكلام يطول حول منطقة السالميه ستكتشفونها اثناء زيارتكم للكويت ان شاء الله ..نعود للجوله المسائيه والتي بدأت حوالي خمس بالتوجه الى سوق رائع رائع من وجهة نظري كتاجر
ملابس نسائيه وفيه تنوع جميل لمحلات الأزياء كما وجدنا فيه بغيتنا (( الماركات الكويتيه )) وهو سوق (( المهلب))

[url=http://up.graaam.com/p16ic/62b96b692d.bmp][/url]


[url=http://up.graaam.com/p16ic/5f3b9b55e4.jpg][/url]


[url=http://up.graaam.com/p16ic/532e1d3283.bmp][/url]


[url=http://up.graaam.com/p16ic/55f8981042.bmp][/url]

والسوق يتكون من دورين إضافه للدور الأرضي وهو على شكل سفينه ويتميز بسهولة التنقل بين المحلات وتنوع محلات الألبسه فيه ....و .....
مجمع المهلب بصراحه عجبني جدا بسبب سهولة التسوق وكذلك تنوع محلات الأزياء وخصوصا كما ذكرت (( الماركات الكويتيه )) وفعلا أخذنا في التجول داخل المجمع ودخول هذه المحلات واحد واحد دون كلل او ملل !!و زوجتي طبعا مستانسه وفي قمة السعاده ولو تبينا نقعد ثلاثة ايام في السوق أضن ماعندها مانع (( ترى أسعد لحظات المره أنها تقعد تدور في سوق أول مره تدخله )) وطبعا يتخلل الدوران مهوب أقل من ثلاث اربع بلايز وتنورتين وكم بنطلون على كم بدي .... وطبعا انا ما أقدر أعارض لأني قايل لها في الرياض اننا رايحين نشوف الموديلات بالكويت والي يعجبك هناك خذيه لك (( عينه ))
واذا صار حلو في اللبس طبقنا موديله للمحلات !! وطبعا هي ...ترددت بالموافقه ( إيه هين تتردد) !! ويوم قعدت أحايل فيها قالت لي ...يا كثر طلباتك ... خلاص موافقه !!!
ترى عشان العشره الي بينا بوافق !!!المهم مع الدوران وسعة الصدر بها السوق مادرينا عن الوقت الا الساعه 7مساءا عند آخر محل وقفنا عنده وكان حواري مع البائع في المحل عن الأسعار المبالغ فيها لبعض الملابس (( خصوصا ان تكلفتها قليله قياسا على الأسعار)) فكان جوابه ان هذه مستوى اسعار الماركات وانهم لو نزلوا بالسعر فقدت ماركتهم تقدير المستهلك لها !!!!!! تبون الصراحه كانت إجابته مقنعه نوعا ما لي .. خصوصا اني اعرف نفسيات بعض الحريم
على العموم تركنا المهلب في السابعه والنصف وتوجهنا لسوق آخر في منطقة حولي وهو(( مجمع العثمان )) والمجمع هذا ليس بالفخامه التي تتميز بها الأسواق التي مريت عليها قبل ... بس فيه ميزه انه اقل سعرا من سابقيه.. والسوق لا يحتاج لأكثر من نصف ساعه دوران ... شرينا منه ايضا كم بلوزه (( شغل الكويت )) وطلعنا من المجمع العثمان وتجهنا بإتجاه شارع السالميه ...بس طلبنا من التكسي نمر الفندق 5دقايق ننزل اكياسنا الي معنى (( الي يشوفنا يقول هذولي قاعدين يجهزون عروس )) على فكره قلت لمرتي هالجمله... قعدت تميلح علي !! (كذبت كذبه وصدقتها) وقامت تسوي نفسها عروس !!منزله راسها بالأرض وما ترد علي اذا ناديتها من الحيا !!!وعشان تضبط الدور عطت العامل الي طلع الأكياس فوق 10 دنانير اكراميه !!!!!بصراحه انا ولعت ...قسم مهوب بخل والله بس10 دنانير صراحه كثير ... انا كنت مجهز دينار بجيبي عشان اعطيه إذا نزل ... والله وتسبقني له بنت حاتم الطائي وتعطيه الفلوس.... قلت لها خير ان شاء الله يا بنت عدنان خاشقجي !!...وش سوى هو عشان تعطينه هالمبلغ ؟؟؟قالت لي انا بصراحه نسيت ان الدينار بأكثر من 13 ريال !! قلت طيب لا تلقفين وتحاسبين أحد مره ثانيه !!!

رحنا بعد ذلك لشارع السالميه الي هو خلف سوق المارينا ...وبدينا فيه من اوله طبعا مشي و من فضل الله علينا اننا مانمل من المشي ونعتبره احد فوائد السفر(احيانا ينزل وزني من 2- 3كيلو بعد اي سفره)فائده مهمه للمساعده على المشي وعدم التعب (( يجب ان تختار وتختارين نوعيه حذاء رياضيه مناسبه للمشي وستلاحظون الفرق))المهم استانسنا بها الشارع وقعدنا نتمشى ونطالع بها المحلات(بدون شراء)!! وأستغرق ذلك حوالي ساعه ونص احسسنا بعدها بحاجتنا لأستراحه !!! توجهنا فيها الى مجمع مطاعم مرسى المارينا وتحديدا الى الفرايديز

[url=http://up.graaam.com/p16ic/a9ba1e6994.jpg][/url]


[url=http://up.graaam.com/p16ic/2f7180f3a2.jpg][/url]


[url=http://up.graaam.com/p16ic/5772546657.jpg][/url]


وهذا الرابط فيه صور حلوه عن المارينا دخلوه وشوفوه

(يقع في الدورالثاني وهو مقابلالبحر وله اطلاله جميله على المرسى),حيث أكلنا وتقهوينا و ريحنا لمدة حوالي ساعه كامله توجهنا بعدها الى سينما المارينا ( أقدر شيء اسمه سينما ) وذلك
لحظور الفيلم الي حجزنا عليه ...وطبعا ما خلص الفيلم الى الساعه وحده ... بعده قالت لي مرتي وش رايك ناخذ لنا راسين معسل عند خويك المصري !!!قلت أقول أها بس انثبري يا مره.....أشوفك تأثرتي بأجواء الحريه والديموقراطيه وحقوق المرأه في الكويت !!! وشكلك ناويه تسوين تمرد وأضراب !! لكن أعقلي وأبلعي العافيه !! بلا شيشه بلا معسل بلا خرابيط ..... حدك كوكتيل عصير بدون منجا ويخب بعد !!وفعلا رحنا للمقهى الي كنا فيه امس ... وأول ما شافني صاحبي المصري قال لي مش قلت لك حترجع تاني !!! بصراحه انا خفت لا يكون حاط لي شيء في المعسل الي البارح <<< متأثر بالمسلسلات ... عشان كذا طلبنا بس شاهي ومويه ..بس ...جلسنا في المقهى لين الساعه ثنتين وبعدها توجهنا للفندق للنوم بعد ما انهكنا الدوران بها السوقه طول اليوم قمنا اليوم الثاني (آخر يوم لنابالكويت )وسوينا تشيك اوت من الهوتيل الي للأسف اننا ما استمتعنا بمرافقه وحتى ما دخلنا المسبح حقه ( رغم شكله الجميل الي وريتكم في الصوره!!!)لكن بسبب قصر المده ما دخلته!!! المهم حطينا اغراضنا وشنطنا عند الأستقبال حق الفندق و توجهنا مباشره الى مدينة الألعاب المائيه المسماه (اكوا بارك )

[url=http://up.graaam.com/p16ic/d727184fe5.bmp][/url]


[url=http://up.graaam.com/p16ic/079a9c5b78.jpg][/url]


[url=http://up.graaam.com/p16ic/37d2c09a5c.jpg][/url]


[url=http://up.graaam.com/p16ic/faebe9f1eb.bmp][/url]


[url=http://up.graaam.com/p16ic/bf487406a9.jpg][/url]

وهي تقع بجانب ابراج الكويت ويوجد بها عدد من الألعاب المائيه والمسابح وكذلك يوجد بها عدد من المطاعم والبوفيهات كما ان لها شاطيء
رملي على الخليج العربي ( انصح بزيارتها خصوصا الي معهم اطفال ) كما انصحهم بزيارة ( المدينه الترفيهيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
**خلووووود**
مسؤولة الرتب و الإشراف و المجموعات
مسؤولة الرتب و الإشراف و المجموعات


انثى
عدد الرسائل : 1022
العمر : 24
البلد.. : أحلامي,,
الحياة المهنية.. : مدرسية,,
حالتي النفسية :
النقاط.. : 80
رسآلهـ.. : لساعني ماكتبت رسآلتي و لا فكرت إيش أكتب..
اذكري اللهـ.. :
تعليق من الإدارة: : الإدارة لم تعلق على هذا الملف بعد
تاريخ التسجيل : 29/10/2007

مُساهمةموضوع: رد: مذكراتي في رحلة كويتية مميزة < كاتب سعودي و موضوع حلو يستحق الإطلاع   الإثنين ديسمبر 15, 2008 2:51 am

________________________________________________

كما انصحهم بزيارة ( المدينه الترفيهيه ) - رغم اني لم ازرها بس حسب ما سمعت انها ممتعه لكن لضيق الوقت مارحت ..

[url=http://up.graaam.com/p16ic/05733e052d.jpg][/url]

[url=http://up.graaam.com/p16ic/de050e45e8.jpg][/url]


[url=http://up.graaam.com/p16ic/49dce9e9b1.jpg][/url]


[url=http://up.graaam.com/p16ic/4c05242f35.jpg][/url]

المهم طلعنا من الأكوا بارك الى الفندق وقبلها الى ( كرسبي دوناااااات )وحملنا اغراضنا وعلى طول للمطار عشان نلحق على رحلتنا للرياض ..وفعلا توجهنا للمطار وفي طريقنا كنا ننظر بشغف ووله الى شوارع الكويت وأحياء الكويت وعماير الكويت ونردد في داخلنا ( راجعين لك الله لا يعوقنا بشر) وفعلا وصلنا المطار وتوجهنا للبوابه وكنا انا وزوجتي نطالع بعض وعلامات الحزن والحسافه على وجيهنا ( موسيقى حزينه )...ما ادري ليش ؟؟؟يمكن عشان قصر المده ؟؟؟يمكن عشان الراحه الي حسينا فيها بالكويت ؟؟بصراحه مالقيت اجابه لسؤالي ....ختاما بذكر الأيجابيات والسلبيات (( وهي تمثل وجهة نظري أنا ووجهة نظر زوجتي فقط ))

#الأيجابيات في الكويت بإختصار:--

1- الشعب .... الشعب .... الشعب .. بصراحه الغالبيه ناس راقين ومثقفين...وتحس فيهم طيبة المعشر
وحبهم لنا كخليجيين وقد تسمع عبارات الثناء للسعوديه ولحكامها وأهلها في اي موقف يعرف فيه
الكويتي هويتك...تقول لي مرتي يوم درت اني اكتب الموضوع اكتب يتميز اهل الكويت بالذرابه .
2- كما سبق وذكرت ( تتميز الكويت بقلة الأزدحام مقارنه بدول الخليج الأخرى) وأعتقد ان السبب الرئيسي ... النظام الصارم المطبق في الكويت .
3- تتميز اسواق الكويت ( بالنوع ) وليس الكم !! بمعنى آخر ان الأسواق ليست كبيره بس عندهم بضايع مميزه .. ويتضح فيها الذوق العالي لنوعية المتسوقين .

# السلبيات :--

- بصراحه مطار الكويت الدولي حليو ... بس مهوب على مستوى الكويت.. ويفترض انه يكون أفخم وأفضل من هذا خصوصا اذا علمنا ان الكويت لديها امكانيات كبيره ومطار واحد ( يعني هالمطار الوحيد لازم يكون قمه وتحفه لأنه واجهة البلد ).
2-احس فيه تقصير من تجار الكويت في بناء الأماكن الترفيهيه والمجمعات السكنيه خصوصا إذا علمنا ان معظم اسواق وعماير دبي ( يساهم فيها بنسب كبيره تجار كويتيين ).

بس هذا الي عندي وأتمنى اني أكون نقلت صوره مبسطه عن جولة يومين في الكويت

المواطن السعودي .... سبهللي

وانا اقول مسكور يالسبهللي كفييت ووفييت وانا ترجع الكويت مره ثانيه
اخواني وخولتي الاعضاء اتمنى اني ماكون قصرت ابشي واني امتعتكم بالموضوع واستفدتم منه ونشوفكم جريب عندنا واذا عندكم اي سؤال و استفسار المال مفتوح للكل


بنتظار ردودكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
me IS me
............
............


انثى
عدد الرسائل : 67
العمر : 25
البلد.. : my own world
الحياة المهنية.. : not yet lol
حالتي النفسية :
رسآلهـ.. : luv u all
اذكري اللهـ.. :
رسآلة وسائط..MMS :
تعليق من الإدارة: : الإدارة لم تعلق على هذا الملف بعد
تاريخ التسجيل : 06/12/2008

مُساهمةموضوع: رد: مذكراتي في رحلة كويتية مميزة < كاتب سعودي و موضوع حلو يستحق الإطلاع   الإثنين ديسمبر 15, 2008 6:54 am

wooooooooow
thats soooooo nice
i didnt know luwait is that much brilliant
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فيفي المجنونة
.......
.......


انثى
عدد الرسائل : 718
العمر : 25
البلد.. : جدة
الحياة المهنية.. : طالبهـــــ
حالتي النفسية :
النقاط.. : 100
رسآلهـ.. : لساعني ماكتبت رسآلتي و لا فكرت إيش أكتب..
اذكري اللهـ.. :
رسآلة وسائط..MMS :
تعليق من الإدارة: : الإدارة لم تعلق على هذا الملف بعد
تاريخ التسجيل : 10/01/2008

مُساهمةموضوع: رد: مذكراتي في رحلة كويتية مميزة < كاتب سعودي و موضوع حلو يستحق الإطلاع   الثلاثاء ديسمبر 16, 2008 2:30 am

لوووووووووووول
رحللة رووووووووووعة
إلا أبوو عمااد السوووري ههههههههههههههههههه



يسلموو يادبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
**syrian girl**
............
............


انثى
عدد الرسائل : 194
العمر : 26
البلد.. : سوريا الله حاميها ....
الحياة المهنية.. : طالبة
حالتي النفسية :
النقاط.. : 200
رسآلهـ.. : لساعني ماكتبت رسآلتي و لا فكرت إيش أكتب..
اذكري اللهـ.. :
رسآلة وسائط..MMS :
تعليق من الإدارة: : فائزة مسابقة أفضل تعديل لصورة القلبين
تاريخ التسجيل : 29/10/2008

مُساهمةموضوع: رد: مذكراتي في رحلة كويتية مميزة < كاتب سعودي و موضوع حلو يستحق الإطلاع   الأربعاء ديسمبر 17, 2008 3:00 am

واااو
كتير حلوة الكويت
ماكنت متوقعتها هيك أبدااا

يسلموو على هيك موضوع بيجنن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مذكراتي في رحلة كويتية مميزة < كاتب سعودي و موضوع حلو يستحق الإطلاع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كلام بنات :: كلامـ.. فيـ..الدنيا.. :: ミ♡彡 حول العالم ミ♡彡-
انتقل الى: